Mis y Plentyn Milwrol

Mae Ebrill wedi'i ddynodi fel Mis y Plentyn Milwrol, sy'n tynnu sylw at y rôl bwysig y mae plant y Lluoedd Arfog yn ei chwarae yng nghymuned y Lluoedd Arfog. Mae'n amser i gymeradwyo teuluoedd y Lluoedd Arfog a'u plant am yr aberth dyddiol maen nhw'n ei wneud a'r heriau maen nhw'n eu goresgyn.

Hoffai SSCE Cymru annog lleoliadau addysg i gynnal gweithgareddau yn ystod y mis hwn i ddathlu a chodi ymwybyddiaeth o'r profiadau unigryw y mae'r grŵp yma o blant a phobl ifanc yn eu cael a dod yn amgylchedd mwy cyfeillgar i'r Lluoedd Arfog.

Pam Porffor?

Dewiswyd porffor oherwydd ei fod yn symbol o bob cangen o'r fyddin, cyfuniad o Gwyrdd y Fyddin, Glas yr awyrlu, Glas Gwylwyr y Glannau, Coch Morol a Glas Tywyll y Llynges.

Diwrnod Porffor i Fyny

Dydd Gwener 24ain o Ebrill yw'r diwrnod i 'Borffor i fyny' ar gyfer Mis y Plentyn Milwrol!

Sut allwch chi gymryd rhan?

Gwisgwch borffor
Creu gwaith celf ac arddangosfeydd porffor
Dathlu a diolch i'ch plant y Lluoedd Arfog am y rôl bwysig maent yn ei chwarae yng nghymuned y Lluoedd Arfog trwy unrhyw un o'r syniadau yn y llyfryn hwn
Tynnwch luniau o'ch dathliadau
Rhannwch lluniau gyda SSCECymru@wlga.gov.uk a @SSCECymru ar y cyfryngau cymdeithasol (X a Facebook).

Caneuon Plant y Lluoedd Arfog

I ddathlu #MotMC 2026, mewn cydweithrediad â Never Such Innocence, Mae SSCE Cymru yn gyffrous i lansio pum cân, a ysgrifennwyd gan blant y Lluoedd Arfog ledled Cymru. Mae'r caneuon hyn sydd ar gael yma, yn taflu goleuni ar eu meddyliau, eu teimladau a'u profiadau byw o fywyd y Lluoedd Arfog.