Diwrnod y Lluoedd Arfog

Dydd Sadwrn 26 Mehefin 2026

Mae Diwrnod y Lluoedd Arfog yn gyfle i ddangos cefnogaeth i’r dynion a’r merched sy’n aelodau o gymuned y Lluoedd Arfog: o swyddogion sy’n gwasanaethu ar hyn o bryd i deuluoedd y Lluoedd, cyn-filwyr a chadetiaid.

Hoffai SSCE Cymru annog lleoliadau addysg i gynnal gweithgareddau i ddathlu a chodi ymwybyddiaeth o’r Lluoedd Arfog ac o brofiadau unigryw plant y Lluoedd.

Mae rhagor o wybodaeth ar gael yma

See below for ideas of how to:

Celebrate your Service children’s experiences

Engage with the Armed Forces community

Get creative and celebrate Armed Forces Day

Diwrnod Cenedlaethol y Lluoedd Arfog yng Nghymru

Bob blwyddyn, mae Diwrnod y Lluoedd Arfog yn cael ei gynnal a’i ddathlu mewn rhanbarth gwahanol ar hyd a lled y wlad. Mae Diwrnod y Lluoedd Arfog yng Nghymru yn cofnodi ac yn dathlu cymuned y Lluoedd Arfog a’r bartneriaeth gydag awdurdodau lleol, Llywodraeth Cymru, y tri gwasanaeth a phartneriaid eraill.

Eleni, cynhelir Diwrnod Cenedlaethol y Lluoedd Arfog yng Nghymru yn Sir Gâr ar 26 Mehefin 2026. Bydd y digwyddiad, a gynhelir ym Mharc Gwledig Pen-bre, am ddim a’r nod yw dod â’r cyhoedd ynghyd i gefnogi cymuned y Lluoedd Arfog.

Trefnwyd y diwrnod llawn mewn partneriaeth ag uwch arweinwyr y Fyddin, y Llynges a’r Awyrlu. Bydd yn ddiwrnod cyffrous, yn cynnwys asedau gwahanol o’r Lluoedd Arfog (sydd heb eu cadarnhau eto, ond sy’n debygol o fod yn awyrennau’n hedfan heibio, gollwng o barasiwt, cerbydau milwrol, gallu’r dyfodol, tanc plymio’r Llynges ac ati) a’r Gwasanaethau Golau Glas, adloniant i’r teulu, cerddoriaeth fyw, arddangosfeydd, bwyd a diod a llawer o dimau ymgysylltu o’r catrodau gwahanol o wasanaethau'r fyddin i gyd.

Cefnogwch ac anogwch blant y Lluoedd Arfog a’u cyfoedion i gymryd rhan yng ngweithgaredd jig-so Diwrnod Cenedlaethol y Lluoedd Arfog, fydd yn cael ei arddangos yn y digwyddiad yn Sir Gâr.

Dathlu profiadau plant y Lluoedd Arfog

Gallwch annog plant y Lluoedd Arfog i fod yn greadigol ac ysgrifennu eu straeon eu hunain am fod yn blentyn y Lluoedd Arfog.
Rhowch gyfle i blant y Lluoedd Arfog wneud cyflwyniad am eu profiadau o fod yn rhan o deulu’r Lluoedd Arfog neu rannu lluniau, i ddangos y cyfleoedd cadarnhaol.
Dangoswch fideos o blant y Lluoedd Arfog yng Nghymru yn rhannu eu profiadau, ar gael gan SSCE Cymru .
Cynhaliwch wasanaeth Diwrnod y Lluoedd Arfog gan ddefnyddio Pecyn Diwrnod y Lluoedd Arfog i ysgolion gan Little Troopers i gael syniadau am sut y gallwch gynnwys plant y Lluoedd Arfog.
Cynhaliwch grŵp trafod â phlant y Lluoedd Arfog i ddeall eu profiadau’n well a nodi ffyrdd y gall yr ysgol ymateb i’w hanghenion - gweler y dudalen Clybiau a llysgenhadon am ysbrydoliaeth.
Cynhaliwch amser stori am brofiadau plant y Lluoedd Arfog, ffordd o fyw’r Lluoedd Arfog, bod yn ddisgybl mewn ysgol newydd neu gydnabod gwahaniaethau yn y naill a’r llall. Gellir archebu cyfres o chwe llyfr dwyieithog Little Troopers am DDIM gan SSCECymru@wlga.gov.uk
Anogwch blant y Lluoedd Arfog i fod yn greadigol a chynhyrchu darn o waith celf sy’n dangos eu teimladau a’u profiadau o fod yn rhan o deulu’r Lluoedd Arfog.
Ar fap o’r byd, nodwch ble mae plant y Lluoedd Arfog wedi byw neu ble mae eu rhieni wedi cael eu hanfon i wasanaethu.
Gwnewch Wal Parth Amser, yn cynnwys cyfres o glociau i ddangos y gwahanol barthau amser o gwmpas y byd ble mae plant y Lluoedd Arfog wedi byw neu ble mae eu rhieni wedi gwasanaethu.
Dangoswch fideos o blant y Lluoedd Arfog yng Nghymru yn dysgu Cymraeg, ar gael gan SSC Cymru .

Ymgysylltu â chymuned y Lluoedd Arfog

Dathlwch aelod o deulu disgybl sydd wedi gwasanaethu neu sy’n gwasanaethu ar hyn o bryd yn y Lluoedd Arfog drwy ofyn i blant rannu lluniau a medalau.
Nodwch unrhyw Filwyr Wrth Gefn yng nghymuned yr ysgol i’w dathlu ar Ddiwrnod y Milwyr Wrth Gefn (dydd Mercher 25 Mehefin). Ystyriwch ofyn iddynt wisgo eu gwisg swyddogol i ddod i’r ysgol neu siarad am rôl bwysig y Milwyr Wrth Gefn mewn gwasanaeth.
Cynhaliwch wasanaeth Diwrnod y Lluoedd Arfog, gan ofyn i aelod o gymuned y Lluoedd Arfog i rannu eu profiadau. Mae syniadau am wasanaethau yn y pecyn Diwrnod y Lluoedd Arfog i Ysgolion gan Little Troopers
Gofynnwch i aelod presennol neu gyn-aelod o’r Lluoedd Arfog (rhiant, brawd, chwaer neu ffrind) fod yn siaradwr gwadd a rhannu eu profiadau.
Anfonwch gardiau diolch i ganolfan/uned/orsaf Lluoedd Arfog lleol, elusen y Lluoedd Arfog neu gartref gofal neu grŵp cymunedol cyn filwyr.
Estynnwch wahoddiad i’r tîm ymgysylltu yn eich canolfan/uned/gorsaf Lluoedd Arfog lleol i gyflwyno gweithgaredd (STEM neu feithrin tîm) gyda disgyblion.
Gweithiwch gyda’ch cysylltiadau yn y Lluoedd Arfog i gynhyrchu ffilm fer yn dangos bywyd milwr.
Defnyddiwch Adnoddau Dysgu Diwrnod y Lluoedd Arfog i archwilio hanes y Lluoedd Arfog.
Defnyddiwch Adnoddau Addysgu Coffau y Lleng Prydeinig Brenhinol i “fyfyrio ar Wasanaeth ac aberth” a chodi ymwybyddiaeth am hanes ein gwlad

Bod yn greadigol a dathlu Diwrnod y Lluoedd Arfog!

Defnyddiwch Becyn Adnoddau Digwyddiad Ar-lein Diwrnod y Lluoedd Arfog i drefnu digwyddiad i ddathlu Diwrnod y Lluoedd Arfog yn eich ysgol.
Gwnewch faneri ar thema’r Lluoedd Arfog i’w hongian yn yr ysgol a’r dosbarth.
Defnyddiwch daflenni lliwio Diwrnod y Lluoedd Arfog i gynhyrchu darnau o gelf lliwgar a chyffrous i'w dangos yn yr ysgol.
Defnyddiwch becyn Diwrnod y Lluoedd Arfog i ysgolion gan Little Troopers ar gyfer tystysgrifau, taflenni lliwio a chwileiriau.
Cefnogwch ac anogwch blant y Lluoedd Arfog i gymryd rhan yng ngweithgaredd jig-so Diwrnod Cenedlaethol y Lluoedd Arfog, fydd yn cael ei arddangos yn y digwyddiad yn Sir Fynwy.
Gofynnwch i ddisgyblion ddangos eu gwerthfawrogiad i’r Lluoedd Arfog drwy ysgrifennu cerdd, cân neu lythyr.
Ymunwch â’r ymgyrch genedlaethol #SaliwtioEinLluoedd (#SaluteOurForces) drwy dynnu lluniau o’r staff a’r disgyblion yn saliwtio i gefnogi’r Lluoedd Arfog a’u rhoi ar gyfryngau cymdeithasol yn defnyddio’r hashnod.
Crëwch gofnod neu raglen newyddion ffug yn egluro gwerth y Lluoedd Arfog.
Cwblhewch daflenni gweithgareddau, posau a chwileiriau ar thema’r Lluoedd Arfog sydd ar gael gan Little Troopers.
Dangoswch eich cefnogaeth yn ddigidol drwy ychwanegu logos, baneri a lluniau Diwrnod y Lluoedd Arfog ar waelod negeseuon e-bost, baneri Twitter ac ar wefan yr ysgol.
Estynnwch wahoddiad i Gefnogwr y Lluoedd Arfog yr Awdurdod Lleol i fynychu gweithgareddau a digwyddiadau dathlu yn ystod Diwrnod y Lluoedd Arfog a chyn hynny.

Check out our SSCE Cymru journal page for pictures from Wales' National Armed Forces Day events!

Darllen mwy

Diwrnod y Lluoedd Arfog