Mae ysgolion ac awdurdodau lleol ledled Cymru yn mabwysiadu ymagwedd ragweithiol at sicrhau nad yw plant y Lluoedd Arfog dan anfantais gan yr heriau unigryw sy'n gysylltiedig â ffordd o fyw y Lluoedd Arfog.
Mewn rhai achosion, efallai y bydd angen i ysgolion ac awdurdodau lleol gael gafael ar gyllid ychwanegol i barhau i gefnogi eu plant y Lluoedd Arfog yn y ffordd fwyaf effeithiol. Mae SSCE Cymru yn cydnabod y gall nodi cyfleoedd ariannu addas, penderfynu pa grantiau sy'n cyd-fynd orau â phrosiectau penodol, a chwblhau prosesau ymgeisio fod yn heriol. Felly, rydym yn falch o gynnig arweiniad a chefnogaeth i helpu ysgolion ac awdurdodau lleol i gael mynediad at gyfleoedd cyllid priodol.
Dim Premiwm Disgyblion Plant y Lluoedd Arfog (SPP) yng Nghymru
Mae'r ‘Service Pupil Premium’ yn Lloegr yn darparu cyllid blynyddol fesul plentyn y Lluoedd Arfog i helpu i ddarparu cymorth bugeiliol ychwanegol i leihau'r anfanteision y gallant eu profi o ganlyniad i fywyd y Lluoedd Arfog. Gall ysgolion yng Nghymru gael gafael ar cyllid i gefnogi eu plant Lluoedd Arfog drwy'r cynlluniau grant a nodir isod.
Yr heriau mwyaf arwyddocaol maent yn eu hwynebu wrth gefnogi plant y Lluoedd Arfog: nododd 25% o ysgolion cynradd mai Cyllid ydoedd.
Mae'r dogfennau hyn yn darparu cyngor gan dîm SSCE Cymru ar gyfer ysgolion ac awdurdodau lleol, i'w cynorthwyo wrth wneud cais am gyllid i gefnogi plant y Lluoedd Arfog.
Mae'r cyngor a ddarperir yn gyffredinol ac nid yw'n benodol i unrhyw ffrwd ariannu benodol.
Mae'r rhestr wirio yn cynnwys camau gweithredu a awgrymir i helpu wrth baratoi a chwblhau cais am gyllid.
Mae'r ddogfen syniadau ac awgrymiadau yn cynnwys enghreifftiau o weithgareddau y gallai ymgeiswyr eu hymgorffori fel rhan o brosiectau a ariennir i gefnogi plant y Lluoedd Arfog.
Mae tîm SSCE Cymru hefyd yn cynnal sesiynau galw heibio cyllid anffurfiol i drafod syniadau cyllido a darparu cyngor.
Ariennir y Gronfa Cefnogi Plant y Lluoedd Arfog mewn Addysg yng Nghymru (SSCE-WF) gan Lywodraeth Cymru a'i gweinyddu gan SSCE Cymru.
Gall ysgolion ac awdurdodau lleol yng Nghymru wneud cais am gyllid grant i gyflawni prosiectau ac ymyriadau yn ystod blwyddyn academaidd 2026/27, i ddarparu cymorth i blant y Lluoedd Arfog sy'n bodloni diffiniad Llywodraeth Cymru o plentyn y Lluoedd Arfog.
Mae tri grant ar gael:
Gweler y ddogfen Trosolwg a chanllawiau am ragor o wybodaeth am flaenoriaethau a meini prawf cymhwysedd ar gyfer y tri grant.
Trosolwg a Chanllawiau SSCE-WF
Gall ysgolion ac awdurdodau lleol yng Nghymru wneud cais am grant bach i gyflawni prosiect sy'n darparu cymorth i'w plant y Lluoedd Arfog.
Prosiectau hyd at £500 – ar agor i bob awdurdod lleol ac ysgolion a gynhelir gan awdurdodau lleol yng Nghymru.
Prosiectau hyd at £1,000 – ar agor i bob awdurdod lleol yng Nghymru ac ysgolion a gynhelir gan awdurdodau lleol yng Nghymru sydd â statws dilys Ysgolion sy’n Cefnogi’r Lluoedd Arfog Cymru.
Themâu blaenoriaeth:
- Cymorth academaidd
- Cymorth lles
- Llais plant y Lluoedd Arfog.
Dyddiadau cau ar gyfer ceisiadau:
Rownd 1: 9 Hydref 2026
Rownd 2: 11 Rhagfyr 2026
Bydd ceisiadau yn cael eu hadolygu o fewn 14 diwrnod i'r dyddiadau cau uchod.
Grant prosiect bach (hyd at £500) FFURFLEN CAIS
Grant prosiect bach (hyd at £1,000) FFURFLEN CAIS
Gall ysgolion ac awdurdodau lleol yng Nghymru wneud cais am hyd at £500 i gyflwyno gweithgareddau a dathliadau yn ystod Mis Plentyn Milwrol ym mis Ebrill.
Dyddiad cau ar gyfer ceisiadau:
12th Chwefror 2027
Bydd ceisiadau yn cael eu hadolygu o fewn 14 diwrnod i'r dyddiad cau uchod.
FFURFLEN CAIS Grant Mis y Plentyn Milwrol
Gall ysgolion yng Nghymru wneud cais am hyd at £500 i ddarparu cymorth tymor byr, wedi'i dargedu i blentyn y Lluoedd Arfog unigol neu nifer fach o blant y Lluoedd Arfog, i helpu i fynd i'r afael â rhwystrau uniongyrchol i ddysgu, lles ac ymgysylltu oherwydd effaith ffordd o fyw y Lluoedd Arfog.
Gellir cyflwyno ceisiadau ar unrhyw adeg trwy gydol y flwyddyn academaidd a byddant yn cael eu hadolygu o fewn 14 diwrnod i'w cyflwyno.
Rhaid i ysgolion gysylltu â SSCE Cymru i drafod anghenion plentyn y Lluoedd Arfog a phenderfynu a yw'r cyllid hwn yn briodol cyn cyrchu'r ffurflen gais.
NID yw'r grantiau canlynol yn cael eu gweinyddu gan SSCE Cymru, ond byddai'r tîm yn falch iawn o gefnogi unrhyw ysgol neu awdurdod lleol yng Nghymru i gynllunio a chyflwyno cais. Gweler yr adran cyngor cyllido uchod.
"Gynted ag ydych yn dod i arfer i dŷ, rydych yn cael eich symud – rwyf wedi bod mewn pedair ysgol ac wedi symud chwech gwaith."
Aiden
"Roeddwn i’n byw yn Nepal, yna aethom i Brunei, yna Malaysia."
Ashim
"Drwy fy llygaid i mae gennych gannoedd o ffrindiau mewn llefydd gwahanol."
Chloe
"Dwi di arfer symud rŵan a chymysgu gyda’r plant... Dwi di neud o gymaint o weithiau mae’n rhywbeth arferol rŵan."
Chloe
Designed & built by eInfinity Limited. Hosting & IT management at eInfinity Tech.
