Addewid Disgybl y Lluoedd Arfog

Addewid i Ddisgyblion y Lluoedd Arfog SSCE Cymru - Menter a ddyluniwyd i ddathlu, cefnogi a grymuso plant a phobl ifanc sy’n gysylltiedig â’r Lluoedd Arfog drwy roi llais uniongyrchol iddynt wrth siapio’r gefnogaeth y maen nhw’n ei derbyn gan ysgolion ac awdurdodau lleol.

Mae Addewid i Ddisgyblion y Lluoedd Arfog yn fenter llais y disgybl, mae’n ymrwymiad gan yr awdurdod lleol i gefnogi plant o deuluoedd y Lluoedd Arfog, gan sicrhau ein bod ni’n gwrando arnynt ac yn cryfhau ein hymrwymiad i’r Cyfamod. 

 Mae’r fenter yn cynnwys gweithdai llais Disgyblion y Lluoedd Arfog, sy’n dod â Phlant y Lluoedd Arfog ynghyd o bob rhan o’r awdurdod lleol, gan gydnabod yr heriau unigryw sydd yn eu hwynebu fel symud, gwahanu a phontio rhwng ysgolion, a sicrhau eu bod yn cael y gydnabyddiaeth a’r gefnogaeth benodol  maen nhw’n ei haeddu. 

Yn ogystal â chynnig cyfleoedd i blant y Lluoedd Arfog gael rhyngweithio a chymdeithasu ag eraill ar draws y sir, mae’r gweithdai hefyd yn caniatáu ar gyfer casglu amrywiaeth eang o safbwyntiau a phrofiadau. Ar ôl y gweithdai, bydd yr holl wybodaeth yn cael ei chasglu a’i hystyried a bydd yr Addewid yn cael ei llunio. 

 Drwy gydweithio gallwn greu Addewid, i wella profiadau addysgol Plant y Lluoedd Arfog a chryfhau ymrwymiad yr awdurdod lleol i gynhwysiant a chefnogaeth.