Ysgolion Cyfeillgar y Lluoedd Arfog Cymru

Crynodeb

Nod statws Ysgolion sy’n Cefnogi’r Lluoedd Arfog Cymru yw:

Gosod arfer da ar gyfer cefnogi plant y Lluoedd Arfog
Creu amgylchedd cadarnhaol i Blant y Lluoedd Arfog rannu eu profiadau
Annog ysgolion i ymgysylltu mwy â chymuned y Lluoedd Arfog.

Bydd y tîm Cefnogi Plant Milwyr mewn Addysg yng Nghymru (SSCE) yn gweithio’n agos gyda phob ysgol er mwyn eu cefnogi i ennill eu statws, drwy’r gweithgareddau/camau gweithredu sydd ar restr wirio SSCE Cymru.

Bydd disgwyl i ysgolion gwblhau’r tri cham canlynol drwy gydol y broses er mwyn ennill y statws:

Adnabod – Penodi plant y Lluoedd Arfog ac aelod allweddol o staff i fod yn Gefnogwyr Ysgol i blant y Lluoedd Arfog
Deall – Datblygu dealltwriaeth o blant y Lluoedd Arfog a’u hanghenion drwy gwblhau e-ddysgu SSCE Cymru
Ymgysylltu – Ymgysylltu gyda SSCE Cymru a Chymuned y Lluoedd Arfog.

Statws

Gall ysgolion weithio tuag at ddyfarniadau ar dair lefel, ac fe’u ceir drwy gwrdd â’r meini prawf canlynol:

Efydd

Canfod ‘Cefnogwr Ysgol Plant y Lluoedd Arfog’ a fydd y prif gyswllt gyda SSCE Cymru.
Sicrhau bod yr aelodau perthnasol o staff (gweler y ffurflen archwilio) yn cwblhau e-ddysgu SSCE Cymru
Sefydlu proses ar gyfer casglu data ar blant y Lluoedd Arfog.
Cofrestru â Phecyn Gwaith Bywydau Ffyniannus Cynghrair SCiP ac ymgysylltu gyda’r cynnwys.
Cwblhau o leiaf 40% o’r gweithgareddau/camau gweithredu ar y rhestr wirio i ysgolion.

Arian

Eisoes wedi ennill statws Efydd am fod yn Ysgol sy’n Cefnogi’r Lluoedd Arfog Cymru.
Trefnu bod aelod o’r Lluoedd Arfog yn cynnal sesiwn gyda phlant y Lluoedd Arfog a’u cyfoedion.
Cysylltu gyda Swyddog Arweiniol Cyfranogi SSCE Cymru i archwilio dewisiadau ar gyfer gwrando ar blant y Lluoedd Arfog.
Cwblhau Pecyn Gwaith Bywydau Ffyniannus Cynghrair SCiP, gan ddarparu hunanasesiad o gefnogaeth yr ysgol ar gyfer plant y Lluoedd Arfog ym mhob un o’r 7 egwyddor ac ymrwymo i adolygiad blynyddol.
Cwblhau o leiaf 60% o’r gweithgareddau/camau gweithredu ar y rhestr wirio i ysgolion.

Aur

Eisoes wedi ennill statws Efydd ac Arian am fod yn Ysgol sy’n Cefnogi’r Lluoedd Arfog Cymru.
Dathlu Mis y Plentyn Milwrol (Ebrill)
Sefydlu proses ar gyfer gwrando ar blant y Lluoedd Arfog a chreu cyfleoedd iddynt i rannu eu profiadau.
Gweithredu camau a nodwyd drwy Becyn Gwaith Bywydau Ffyniannus Cynghrair SCiP i ddatblygu tuag at y statws “datblygu” neu “sefydlu” ar gyfer pob un o’r 7 egwyddor.
Cwblhau o leiaf 80% o’r gweithgareddau/camau gweithredu ar y rhestr wirio i ysgolion.

Lawrlwytho rhestr wirio SSCE Cymru (Adnodd 1) yma

CCUHP

Erthygl 8: Mae gen i’r hawl i addysg

Arolwg rhieni/gofalwyr y lluoedd (2020)

Yr heriau mae ysgolion yn eu hwynebu wrth gefnogi plant y Lluoedd Arfog: Nododd 81% feithrin dealltwriaeth o ffordd o fyw y Lluoedd Arfog, nododd 58% adnabod plant y Lluoedd Arfog a nododd 56% gefnogi plant y Lluoedd Arfog gyda’u hanghenion emosiynol a’u hanghenion lles.

CCUHP

Erthygl 28: Mae gen i’r hawl i addysg

Sut i ennill statws Ysgolion sy’n Cefnogi’r Lluoedd Arfog Cymru:

Mynychu sesiwn alw heibio Ysgolion sy’n Cefnogi’r Lluoedd Arfog Cymru
Lawrlwytho’r ffurflen archwilio berthnasol a rhestr wirio SSCE Cymru (Adnodd 1)
Ymgyfarwyddo eich hun gyda gofynion y statws
Gweithio drwy weithgareddau rhestr wirio SSCE Cymru
Cwblhau’r gweithgareddau sy’n gysylltiedig â meini prawf hanfodol y statws
Cwblhau’r ffurflen archwilio a’i chyflwyno i SSCECymru@wlga.gov.uk gyda’r dystiolaeth sydd ei hangen.

Lawrlwythwch ffurflen archwilio efydd Ysgolion sy’n Cefnogi’r Lluoedd Arfog Cymru yma

Lawrlwythwch ffurflen archwilio arian Ysgolion sy’n Cefnogi’r Lluoedd Arfog Cymru yma

Lawrlwythwch ffurflen archwilio aur Ysgolion sy’n Cefnogi’r Lluoedd Arfog Cymru yma

Dathlu bod yn un o Ysgolion sy’n Cefnogi’r Lluoedd Arfog Cymru

Pan fydd ysgol yn ennill statws Ysgolion sy’n Cefnogi’r Lluoedd Arfog Cymru, fe roddir yr eitemau canlynol iddynt i ddathlu eu llwyddiant a dangos eu hymrwymiad i gymuned y Lluoedd Arfog:

Tystysgrif/tlws
Logo digidol efydd/arian/aur Ysgolion sy’n Cefnogi’r Lluoedd Arfog Cymru, y gellir ei ddefnyddio ar wefan yr ysgol a llofnodion e-bost.

Gall ysgolion hefyd gael eu gwahodd i gymryd rhan mewn digwyddiadau dathlu lleol a/neu ranbarthol gyda SSCE Cymru, y Lluoedd Arfog a Chefnogwyr Lluoedd Arfog yr awdurdod lleol.

Bydd eich statws Ysgolion sy’n Cefnogi’r Lluoedd Arfog Cymru yn ddilys am ddwy flynedd o’r dyddiad y caiff eich archwiliad ei gyflwyno unwaith y bydd wedi ei gymeradwyo gan dîm SSCE Cymru.