Ysgol Gynradd Saint Tathan

Mae Ysgol Gynradd Saint Tathan yn falch iawn o gefnogi plant teuluoedd y Lluoedd Arfog yn eu cymuned.  Mae 35 o blant Lluoedd Arfog ynghlwm â’u clwb arbennig ar hyn o bryd, sy’n darparu cefnogaeth a chysylltiad wedi’u teilwra i ddisgyblion o gefndiroedd milwrol.

Ms Katie Parked yw Cefnogwr Plant Lluoedd Arfog Ysgol Gynradd Saint Tathan ar hyn o bryd.  Dechreuodd clwb yr ysgol gynnal sesiynau rheolaidd o 2022.

Cawsant Statws Ysgol sy’n Cefnogi’r Lluoedd Arfog Efydd ym mis Mehefin 2022, a Statws Arian ym mis Gorffennaf 2024, i gydnabod eu hymrwymiad parhaus i fodloni anghenion plant y Lluoedd Arfog a’u teuluoedd.

Fel rhan o’u hymdrech barhaus i wella prosesau pontio ac integreiddio, maent wedi dechrau creu e-lyfrau am yr ysgol.  Lluniwyd y pecynnau croeso digidol hyn i gefnogi plant y Lluoedd Arfog sy’n symud i’r ardal, gan gynnig ymdeimlad o gynefindra iddynt a hwyluso’r broses bontio.

Maent hefyd wedi cyflwyno hwdis unigryw ar gyfer pob aelod o’n clwb a staff sy’n gysylltiedig â’r Lluoedd Arfog, er mwyn helpu i hyrwyddo ymdeimlad o hunaniaeth, urddas a pherthyn o fewn cymuned yr ysgol.

Mae gwrando ar leisiau plant y Lluoedd Arfog yn ganolog i’w hymdrechion.   Mae blychau awgrymiadau wedi’u gosod ar draws yr ysgol ac yn cael eu gwirio’n rheolaidd.  Maent hefyd yn cynnal sesiynau llais y disgybl tymhorol, sydd wedi llywio’r blaenoriaethau ariannu cyfredol yn uniongyrchol.  Un canlyniad amlwg yn y trafodaethau hyn oedd creu clwb ar ôl ysgol arbennig ar gyfer plant y Lluoedd Arfog, gan ddarparu amgylchedd cefnogol a diogel iddynt gyfathrebu â chyfoedion sy’n rhannu profiadau tebyg.

Ar 30 Ebrill 2025, cynhaliwyd Gŵyl Lluoedd Arfog ar gyfer ysgolion y clwstwr.  Roedd y digwyddiad hwn yn cynnwys gweithdai gan Never Such Innocence a Forces Fitness, a chroesawyd cynrychiolydd o SSCE Cymru.  Roedd yr ŵyl yn gyfle gwerthfawr i blant y Lluoedd Arfog gysylltu, mynegi eu hunain a dathlu eu profiadau unigryw.

Mae Ysgol Gynradd St Tathan yn parhau i ymrwymo i gydnabod a chefnogi anghenion teuluoedd y Lluoedd Arfog.  Dyfarnwyd statws AFFS Aur iddynt ym mis Ebrill 2025, wrth iddynt barhau i ddatblygu mentrau sy'n sicrhau bod pob plentyn Lluoedd Arfog yn teimlo eu bod yn cael eu deall, eu cynnwys a'u gwerthfawrogi yng nghymuned yr ysgol. Llongyfarchiadau a diolch i chi gyd am eich ymdrechion.