Amanda Hyett
Ysgol Golwg Pen y Fan
Fel Hyrwyddwr Ysgol Plant y Lluoedd Arfog yn Ysgol Golwg Pen y Fan, mae Amanda Hyett yn gweithio'n agos gyda'r Arweinydd Grwpiau Bregus, Ebony Johnson ac asiantaethau allanol i gefnogi disgyblion. Mae SSCE Cymru yn falch o ddathlu ymrwymiad ac ymroddiad Amanda.
Mae Amanda yn cefnogi mwy na 40 o blant y Lluoedd Arfog ar draws y ddwy safle ysgol, gan eu helpu i deimlo eu bod wedi'u setlo, eu gwerthfawrogi a'u dathlu. Cyfrannodd ei gwaith gyda disgyblion, staff a theuluoedd at yr ysgol yn derbyn statws Arian Ysgol sy’n Cefnogi’r Lluoedd Arfog SSCE Cymru yn Haf 2026, gan sicrhau bod cyllid grant wedi cefnogi lles disgyblion.
Mae Amanda hefyd yn cefnogi disgyblion sy'n gysylltiedig â'r Lluoedd Arfog ar draws y clwstwr ysgol ehangach, gan sicrhau bod ysgolion lleol yn cael eu cynnwys mewn digwyddiadau a gweithgareddau perthnasol.
Yn ystod Mis y Plentyn Milwrol, cydlynodd Amanda ddathliad Purple Up ar draws Ysgol Golwg Pen y Fan. Daeth disgo, gwaith celf ar thema porffor, hufen iâ a phaentio wynebau â phlant a theuluoedd y Lluoedd Arfog at ei gilydd, gan greu atgofion parhaol wrth gryfhau lles, gwytnwch, perthyn ac ymgysylltu â bywyd ysgol.
Llongyfarchiadau, Amanda, a diolch am eich ymroddiad i blant y Lluoedd Arfog a'u teuluoedd. Rydych yn wirioneddol haeddu cael eich cydnabod fel Seren y Mis SSCE Cymru.
"Gynted ag ydych yn dod i arfer i dŷ, rydych yn cael eich symud – rwyf wedi bod mewn pedair ysgol ac wedi symud chwech gwaith."
Aiden
"Roeddwn i’n byw yn Nepal, yna aethom i Brunei, yna Malaysia."
Ashim
"Drwy fy llygaid i mae gennych gannoedd o ffrindiau mewn llefydd gwahanol."
Chloe
"Dwi di arfer symud rŵan a chymysgu gyda’r plant... Dwi di neud o gymaint o weithiau mae’n rhywbeth arferol rŵan."
Chloe
Designed & built by eInfinity Limited. Hosting & IT management at eInfinity Tech.
