Data

Pam ein bod yn cofnodi data ar blant y Lluoedd Arfog?

Data yw’r allwedd i ddeall effaith ffordd o fyw y Lluoedd Arfog ar blant y Lluoedd Arfog
Gall ysgolion fod wedi paratoi’n well i gefnogi plant y Lluoedd Arfog
Gellir gwneud cymariaethau o ran lefelau cyrhaeddiad rhwng plant y Lluoedd Arfog a phlant nad ydynt yn blant y Lluoedd Arfog
Gellir canfod patrymau o ran absenoldeb o'r ysgol
Gall awdurdodau lleol baratoi i gefnogi plant y Lluoedd Arfog o ran eu hiechyd meddwl a'u hanghenion o ran lles
Gall asiantaethau ddarparu cefnogaeth a nodi lle mae yna fylchau o ran darpariaeth
Gellir targedu adnoddau i gefnogi anghenion penodol mewn lleoliadau daearyddol gwahanol
Gellir cynnal ymchwil pellach gyda grŵp cynhwysol o gyfranogwyr.

Diffiniad Llywodraeth Cymru o blentyn y Lluoedd Arfog:

Mae gan 'blentyn y Lluoedd Arfog' riant (rhieni) neu unigolyn (unigolion) gyda chyfrifoldeb rhiant gweithredol sydd yn bersonél y Lluoedd Arfog sy'n gwasanaethu:

Yn Lluoedd Arfog Rheolaidd neu Wrth Gefn Ei Mawrhydi - Y Llynges Frenhinol a'r Môr-filwyr Brenhinol; Y Fyddin Brydeinig a'r Llu Awyr Brenhinol, Neu
Yn gyn-filwr y Lluoedd Arfog sydd wedi bod mewn gwasanaeth o fewn y ddwy flynedd ddiwethaf, Neu
Bu farw un o'u rhieni wrth wasanaethu yn y Lluoedd Arfog ac mae'r dysgwr wedi derbyn pensiwn o dan Gynllun Iawndal y Lluoedd Arfog neu'r Cynllun Pensiynau Rhyfel.

Mae Cefnogi Plant Milwyr mewn Addysg yng Nghymru (SSCE Cymru) hefyd yn annog ysgolion i ystyried adnabod plant a phobl ifanc nad ydynt yn cyd-fynd â’r diffiniad uchod ond sydd â chysylltiad â’r Lluoedd Arfog.

Arolwg rhieni/gofalwyr y lluoedd (2020)

Yr heriau y mae ysgolion yn eu hwynebu wrth gefnogi plant y Lluoedd Arfog: 58% Adnabod plant y Lluoedd Arfog

“Dwi wedi mwynhau mynd i lawer o lefydd o amgylch y byd, mae’n anturus ac yn gyffrous.”

Arolwg rhieni/gofalwyr y lluoedd (2020)

Systemau cefnogi a fyddai o fudd i blant y Lluoedd Arfog: 61% Adnabod plant y Lluoedd Arfog yn ystod y broses dderbyn

Plant y Lluoedd Arfog yng Nghymru

Fe weithiodd SSCE Cymru gyda phob un o’r awdurdodau lleol ac ysgolion annibynnol yng Nghymru i gynnal gweithgaredd casglu data ar Blant y Lluoedd Arfog. Roedd hyn yn darparu cipolwg o nifer plant y Lluoedd Arfog yng Nghymru a’u lleoliad.

Cliciwch ar enw awdurdod lleol i weld y data.

Awdurdod Lleol (ALl)	Nifer yr ysgolion yn ALl	Ysgolion gyda phlant Milwyr	Nifer y plant Milwyr
Blaenau Gwent	30	4	17
Pen-y-bont ar Ogwr	61	41	189
Caerffili	85	21	84
Caerdydd	132	17	56
Sir Gaerfyrddin	113	31	99
Ceredigion	46	12	33
Conwy	60	17	87
Sir Ddinbych	60	21	41
Sir y Fflint	85	7	57
Gwynedd	97	5	22
Ynys Mon	48	11	111
Merthyr Tudful	29	8	57
Sir Fynwy	37	17	91
Castell-nedd Port Talbot	65	37	133
Casnewydd	57	30	134
Sir Penfro	67	26	222
Powys	94	40	247
Rhondda Cynon Taf	115	30	133
Abertawe	100	29	80
Torfaen	33	21	53
Bro Morgannwg	57	39	283
Wrecsam	73	10	19
	1549	434	2028

*data’r tabl yn gywir ym Mawrth 2025

Rhowch wybod i SSCE Cymru am blant y Lluoedd Arfog sydd yn eich ysgol

Helpwch ni i gasglu data ar y nifer o blant y Lluoedd Arfog yng Nghymru a’u lleoliad, er mwyn sicrhau fod ysgolion yn cael y gefnogaeth orau bosibl i blant y Lluoedd Arfog.

Gall ysgolion ddefnyddio’r templed canlynol: 4. Templedi: Casglu Data yn adran Adnoddau SSCE Cymru ar ein gwefan.

Noder drwy lenwi’r ffurflen hon y byddwch yn cael eich ychwanegu i rwydwaith SSCE Cymru. Bydd SSCE Cymru yn rhannu manylion am unrhyw ddigwyddiadau sydd i ddod, cyllid, y Bwletin Ysgol, adnoddau a’r gefnogaeth sydd ar gael gan dîm SSCE Cymru.

Cliciwch yma i lenwi ein ffurflen ar-lein

Cefnogi Plant y Lluoedd Arfog Mewn Addysg Cymru: Astudiaeth o Ddata a’r Ddarpariaeth o ran Cefnogaeth yng Nghymru (2015)

Wedi ei gomisiynu gan SSCE Cymru a’i reoli gan Uned Ddata Cymru roedd yr adroddiad hwn yn cynnwys cyfweliadau gydag ysgolion o bob cwr o Gymru a chanfuwyd mai ychydig iawn o ddata oedd ar gael ar blant y Lluoedd Arfog, gan ddangos yr angen am fwy o wybodaeth ac arweiniad i alluogi ysgolion i gasglu data a chael mynediad at gefnogaeth.

Yr hyn wnaeth yr adroddiad ei ganfod, wedi ei seilio ar y data mwyaf diweddar o’r cyfrifiad (2011), yw bod yna deuluoedd y Lluoedd Arfog gyda phlant hyd at 16 oed ym mhob un o’r 22 awdurdod lleol yng Nghymru. Mae data cyfrifiad 2011 yn dangos fod isafswm o 2,486 o blant yng Nghymru lle roedd Person Cyswllt y Cartref yn nodi ei fod ef neu hi yn y Lluoedd Arfog. Nid yw hyn yn cynnwys gwybodaeth lle mae’r sawl nad yw’n Berson Cyswllt y Cartref yn y Lluoedd Arfog, na gwybodaeth ar gyn-filwyr neu filwyr wrth gefn neu lle nad yw teuluoedd gyda phlant y Lluoedd Arfog yn byw yn yr un cyfeiriad.

Lawrlwythwch yr adroddiad llawn yma