Mae’r dudalen hon yn cynnwys gwybodaeth, cyngor, arweiniad ac yn eich cyfeirio at sefydliadau ac adnoddau sy’n berthnasol i gefnogi plant y Lluoedd Arfog a rhai nad ydynt yn blant y Lluoedd Arfog yn ystod adegau o wrthdaro.
Er bod rhai adnoddau’n cyfeirio at wrthdaro penodol, gellir defnyddio llawer o’r adnoddau i drafod unrhyw achos o wrthdaro. Mae gwrthdaro ac argyfyngau yn effeithio ar sawl teulu, y rhai yn y Lluoedd Arfog a’r sifiliaid, mae gan gymuned ysgol rôl allweddol i sicrhau bod ein teuluoedd yn teimlo’n ddiogel ac yn derbyn cefnogaeth yn ystod cyfnod heriol.
Nid yw'n anghyffredin i blant y Lluoedd Arfog brofi newidiadau rheolaidd i'w ffordd o fyw teuluol ac ysgol, a all fod ar fyr rybudd. Mae teuluoedd y Lluoedd Arfog yn hyblyg ac yn gyffredinol yn wydn iawn mewn cyfnodau o ansicrwydd. Mae ganddynt hefyd fynediad at lawer iawn o gefnogaeth gan y Weinyddiaeth Amddiffyn, elusennau (yn cynnwys ffederasiynau’r teuluoedd), a thrwy lawer o rwydweithiau cymuned y Lluoedd Arfog.
Mae Pecyn Gwaith Ysgolion SSCE Cymru yn cynnwys rhan am Iechyd Meddwl a Lles, sy’n darparu gwybodaeth am yr awdurdod lleol, y Bwrdd Iechyd a chefnogaeth ac ymyraethau lles ar lefel ysgolion.
Gellir hefyd cael adnoddau ychwanegol i gefnogi plant mewn cyfnod o wrthdaro ar Padlet SSCE Cymru.
Erthygl 17: Mae gen i'r hawl i gael gwybodaeth mewn llawer o ffyrdd, cyhyd â'i bod yn ddiogel.
Am fwy o adnoddau a argymhellir ar gefnogi plant yn ystod adegau o wrthdaro, gweler Padlet SSCE Cymru.
Mae Cronfa Ryngwladol y Cenhedloedd Unedig ar gyfer Plant (UNICEF) yn sefydliad hawliau plant a sefydlwyd gan y Cenhedloedd Unedig ym 1946.
Mae Childline yn wasanaeth sy’n cael ei gynnal gan y Gymdeithas Genedlaethol er Atal Creulondeb i Blant. Maent yma i gefnogi pob plentyn neu berson ifanc yn y DU.
Achub y Plant yw sefydliad annibynnol cyntaf ac arweiniol y byd i blant - gan drawsnewid bywydau a’r dyfodol yr ydym yn ei rannu.
Yr NSPCC yw elusen plant arweiniol y DU sy’n helpu i warchod y plant a’r bobl ifanc yr ydych yn gweithio neu’n gwirfoddoli gyda nhw.
Fel elusen, mae Barnardos yn gweithio i wneud yn siŵr fod plant a phobl ifanc yn teimlo’n fwy diogel, yn hapusach, yn iachach ac yn fwy gobeithiol.
Mae Child Bereavement UK yn helpu teuluoedd i roi trefn ar eu bywydau pan mae plentyn yn galaru neu’n marw.
Cymdeithas Seicolegol Prydain (BPS) yw’r corff cynrychiadol ar gyfer seicoleg a seicolegwyr yn y DU.
Mae Ysgolion Noddfa yn rhaglen sy’n cefnogi ysgolion i greu diwylliant yn llawn croeso, dealltwriaeth a pherthyn ar gyfer y rhai hynny sydd wedi gorfod ffoi.
Mae Place2Be yn darparu gwasanaethau emosiynol a therapiwtig mewn ysgolion cynradd ac uwchradd, gan ddatblygu gwytnwch plant drwy siarad, gwaith creadigol a chwarae.
Mae BBC Newsround yn rhaglen newyddion Brydeinig sydd wedi’i gwneud yn arbennig ar gyfer plant.
Mae Never Such Innocence yn darparu’r offer i blant a phobl ifanc (9 - 18) adlewyrchu ar realiti rhyfel a gwrthdaro.
"Gynted ag ydych yn dod i arfer i dŷ, rydych yn cael eich symud – rwyf wedi bod mewn pedair ysgol ac wedi symud chwech gwaith."
Aiden
"Roeddwn i’n byw yn Nepal, yna aethom i Brunei, yna Malaysia."
Ashim
"Drwy fy llygaid i mae gennych gannoedd o ffrindiau mewn llefydd gwahanol."
Chloe
"Dwi di arfer symud rŵan a chymysgu gyda’r plant... Dwi di neud o gymaint o weithiau mae’n rhywbeth arferol rŵan."
Chloe
Designed & built by eInfinity Limited. Hosting & IT management at eInfinity Tech.
