Arddangosfa 'Purple Up' yn Ysgol Uwchradd Prestatyn

Fe wnaeth Ysgol Uwchradd Prestatyn (Sir Ddinbych) fwynhau dod ynghyd yn yr ystafell les gyda Chefnogwr Plant y Lluoedd Arfog yr Ysgol i ddathlu Diwrnod Porffor i fyny!

Fe wnaethon nhw lawer o bosteri olion llaw piws, sydd nawr yn cael eu harddangos yn falch ar y bwrdd Plant y Lluoedd Arfog/pobl ifanc. Cawsant amser da yn cwblhau chwileiriau Rhyfel Byd Cyntaf ac Ail Ryfel Byd, ac fe wnaethant fwynhau trîts gyda’i gilydd.

Rhannodd rhai o’r bobl ifanc:

“Rwy’n mwynhau cwrdd â Phlant eraill y Lluoedd Arfog yn yr ysgol, rydw i wedi gwneud llawer mwy o ffrindiau o wahanol flynyddoedd.”

“Rydw i’n edrych ymlaen at ddathlu/cyfarfod a gwneud gweithgareddau celf, gan fy mod wrth fy modd gyda chelf.”

Cafodd yr ysgol ymweliad gan Nik Perring hefyd, awdur preswyl gyda’r elusen Never Such Innocence i arwain ar gyfres o weithdai barddoniaeth ar gyfer 5 dosbarth gyda nifer uchel o blant y lluoedd arfog a’u cyfoedion. Cafodd y digwyddiad hwn ei ariannu drwy garedigrwydd Naval Children's Charity, sydd eisiau amlygu a hyrwyddo cysylltiadau cymunedol cryf sydd gan yr ysgol gyda’r Lluoedd Arfog.

Gydag arweiniad Nik, lluniodd y bobl ifanc oedd wedi cymryd rhan yn y gweithdai gerddi anhygoel, ac mae eu Cefnogwr Plant y Lluoedd Arfog yn yr ysgol yn mynd i’w cyflwyno fel rhan o Gystadleuaeth Farddoniaeth Never Such Innocence. Roedd hi’n ddiwrnod llawn mwynhad, ac roedd hi’n braf gweld y bobl ifanc yn synnu eu hunain gyda’u dawn farddonol a’u cerdd derfynol!

Diolch yn fawr i Naval Children's Charity, Never Such Innocence, staff yr ysgol am drefnu’r digwyddiad, ac wrth gwrs, y bobl ifanc a gymerodd rhan.

Diolch i chi am rannu’r lluniau hyfryd hyn gyda ni Ysgol Uwchradd Prestatyn!