Dathlu Mis y Plentyn Milwrol yn Ysgol Golwg Pen y Fan

Dydd Gwener, 4 Ebrill, dychwelodd yr elusen  Never Such Innocence i Gymru i gyflwyno gweithdy creadigol arbennig yn Ysgol Golwg Pen y Fan (Powys) i ddathlu Mis y Plentyn Milwrol. Arweiniwyd y sesiwn gan Katie Salari a Clive Sanders o Never Such Innocence, ynghyd â Jo, Swyddog Arweiniol Cyfranogi SSCE Cymru, a oedd yn falch iawn o gymryd rhan yn y diwrnod.

Yn ystod y gweithdy, creodd Blant y Lluoedd Arfog freichledi Mis Plentyn y Lluoedd Arfog, ac ysgrifennon nhw farddoniaeth dwymgalon i amlygu a chryfhau cysylltiad ystyrlon yr ysgol â chymuned y Lluoedd Arfog.

Mae Never Such Innocence yn elusen anhygoel sy’n cynnal cystadlaethau creadigol drwy gydol y flwyddyn. Mae eu cystadleuaeth bresennol yn cau ar 2 Mai, gyda’r ymgeiswyr terfynol yn cael eu gwahodd i seremoni wobrwyo ym Mhrif Adeilad y Weinyddiaeth Amddiffyn yn Llundain ym mis Mehefin.

Cofleidiodd ddisgyblion Ysgol Golwg Pen y Fan yr her greadigol gyda brwdfrydedd a gofal. Dan arweiniad Clive a Katie - wedi’u harfogi gyda’u “pensiliau barddoniaeth” - lluniodd y plant ddarnau llawn dychymyg a phŵer. Nid yn unig oedd y gweithdy yn ysbrydoledig, ond roedd yn llawn creadigrwydd, gyda nifer o’r disgyblion yn synnu eu hunain gyda’u lleisiau barddonol.

Diolch yn fawr i Never Such Innocence, staff yr ysgol a gefnogodd y digwyddiad, ac wrth gwrs, y disgyblion anhygoel a gymerodd ran. Cafodd Clive, Katie, Jo groeso cynnes gan gymuned yr ysgol, a chawsant y fraint o glywed plant y lluoedd arfog yn rhannu straeon a myfyrdod.

I nodi’r achlysur, dathlwyd ymdrechion y plant ymhellach, ac estynnwyd gwahoddiad i’r gwesteion gan gynnwys rhieni Plant y Lluoedd Arfog. Cyflwynodd y Maer lleol a’r Lefftenant-Cyrnol Price, Prif Swyddog Ysgol Hyfforddi Troedfilwyr (Aberhonddu) dystysgrif i bob plentyn y Lluoedd Arfog am gymryd rhan yn y gweithdy, a wnaeth y diwrnod yn fwy cofiadwy.

Diolch i chi am rannu’r lluniau hyfryd hyn gyda ni. Rydym yn falch o weld bod Plant y Lluoedd Arfog wedi mwynhau cymryd rhan yn y gweithdai!