Gŵyl y Lluoedd Arfog - DE

Dyddiad: Dydd Mercher 12fed Tachwedd

Amser: 09:00 – 14:45

Lleoliad: Canolfan Wrth Gefn 203, Llandaf, Caerdydd

Byddai SSCE Cymru wrth ei bodd yn eich croesawu i'r Ŵyl Lluoedd Arfog AM DDIM.

Mae'r digwyddiad hwn yn agored i bob plentyn oedran ysgol gorfodol. Os ydych chi'n ysgol gyda llai na 10 o blant y Lluoedd Arfog, rydym yn hapus i blant y Lluoedd Arfog ddod â ffrind, ond gofynnwn i nifer y mynychwyr o'ch ysgol fod o leiaf 50% o blant y Lluoedd Arfog.

Bydd plant / pobl ifanc y Lluoedd Arfog yn cael eu grwpio yn ôl oedran ac yn cymryd rhan mewn pum gweithdy gwahanol sy'n canolbwyntio ar hanes, iechyd a lles, tasgau creadigol ac ymarferion adeiladu tîm.

Bydd gweithdai yng Ngŵyl Lluoedd Arfog De Cymru yn cael eu cyflwyno gan:

• Forces Fitness
• Never Such Innocence
• Tîm Ymgysylltu â'r Fyddin
• Support Paws
• World War Wales

Bydd staff ysgol sy'n goruchwylio'r plant / pobl ifanc yn cael cyfle i gymryd rhan mewn gweithgareddau a rhwydweithio â'i gilydd, ynghyd â thîm SSCE Cymru ac aelodau cefnogol o'r awdurdod lleol.

Agenda

Dylai disgyblion wisgo gwisg ysgol/cit addysg gorfforol ysgol a trainers a dod â'u pecyn cinio eu hunain. Mae parcio ar gael ar y safle. Bydd angen ffurflenni caniatâd ar gyfer yr holl gyfranogwyr, a bydd hyn yn cael ei anfon gyda rhagor o wybodaeth ar ôl eich archeb.

Cwblhewch y ffurflen gofrestru erbyn dydd Gwener 24 Hydref.

Cliciwch yma i gofrestru i fynychu

Mae lleoedd yn gyfyngedig a byddant ar gael ar sail y cyntaf i'r felin.

Os ydych chi'n wynebu unrhyw rwystrau mewn perthynas â theithio, cysylltwch â ni, gallwn edrych ar opsiynau i gefnogi gyda thrafnidiaeth.

Os oes gennych unrhyw gwestiynau, plis cysylltwch â yasmin.todd@pembrokeshire.gov.uk