Mae gan Joanna (Jo) brofiad uniongyrchol o fywyd yn y Lluoedd Arfog, ar ôl bod yn blentyn y Lluoedd Arfog ei hun ac yna priodi aelod o’r Fyddin a oedd wedi bod yn gwasanaethu ers amser maith. Mae ganddynt ddau o blant ac maent wedi byw mewn sawl lleoliad ar draws y DU a’r Almaen. Tra’n dilyn y fyddin am yr 20 mlynedd diwethaf, mae Jo wedi ymgymryd ag amrywiol swyddi, gan gynnwys Ailsefydlu, Addysg ac Adnoddau Dynol, y cyfan o fewn y Weinyddiaeth Amddiffyn. Yn ddiweddar maent wedi ymgartrefu yng Nghymru ac mae ei gŵr yn parhau i fudo i lle bynnag mae’r Fyddin ei angen.
Mae Jo yn arddwraig a cherddwraig frwd, rhywun sy’n llwyr werthfawrogi’r buddion adferol o fod allan yng nghanol byd natur. Mae Jo hefyd wedi mwynhau nifer o swyddi gwirfoddol. Bu’n gweithio gydag elusennau fel Ymddiriedolaeth y Tywysog, Cymorth y Lluoedd Cymdeithas y Milwyr, Morwyr, Awyrenwyr a'u Teuluoedd ac yn fwy diweddar y Sgowtiaid lle mae’n Arweinydd Cybiau’r Sgowtiaid.
Mae Jo wastad wedi mwynhau gweithio gyda phlant ac mae’n deall yn llwyr y pwysigrwydd o wrando arnynt ac ar eu safbwyntiau. Mae hyn yn rhywbeth y bydd yn parhau i’w wneud fel Swyddog Arweiniol Cyfranogi er mwyn i blant y Lluoedd Arfog yng Nghymru deimlo eu bod yn cael eu cefnogi a’u dathlu.
