Mae Cara yn athrawes ysgol gynradd sydd wedi cymhwyso, mae ganddi radd mewn Astudiaethau Addysg ac Anghenion Arbennig a Chynhwysol, ac yn dilyn hynny cwblhaodd gwrs Cynradd TAR. Mae ganddi brofiad helaeth mewn cefnogi plant ysgol, yn academaidd a gyda’u lles emosiynol. Mae Cara yn ddwyieithog ac yn angerddol ynglŷn â sicrhau fod plant yn cael eu cefnogi yn eu dewis iaith.
Yn ddiweddar gweithiodd Cara ar brosiect TRAC 11-24 gyda phobl ifanc a oedd yn datgysylltu oddi wrth addysg ac mewn perygl o ddod yn NEET (heb fod mewn addysg, gwaith na hyfforddiant). Fel athrawes roedd Cara yn angerddol ynglŷn â chefnogi’r bobl ifanc hynny i ail ymgysylltu â dysgu drwy ddarparu gweithdai, ymyriadau grŵp a sesiynau 1:1. Byddai Cara yn gwrando ar brofiadau personol ac anghenion y bobl ifanc ac yn cydlynu cefnogaeth o amgylch hyn. Mae Cara yn credu’n gryf mewn mabwysiadu ymagwedd sy’n canolbwyntio ar y plentyn a sicrhau fod pob plentyn yn cael cyfleoedd cyfartal a chefnogaeth.
Mae Cara hefyd wedi gweithio o fewn tîm anableddau dysgu plant, lle bu’n cefnogi teuluoedd drwy rannu gwybodaeth a chyfathrebu gyda gwasanaethau eraill i sicrhau’r ffordd orau o ddiwallu anghenion plant. Mae’n angerddol ynglŷn â chael gwared ar rwystrau mewn addysg a sicrhau fod pob plentyn yn cael yr adnoddau i lwyddo!
