This site uses cookies to improve your experience. They are safe and secure and never contain sensitive information. For more information click here.

Cyfnodolyn SSCE Cymru

Lyla, llysgennad i blant lluoedd arfog o Ysgol Uwchradd Llantwit Major

  1. Home Page
  2. Digwyddiadau
  3. Cyfnodolyn SSCE Cymru
  4. Lyla, llysgennad i blant lluoedd arfog o Ysgol Uwchradd Llantwit Major

Lyla, llysgennad i blant lluoedd arfog o Ysgol Uwchradd Llantwit Major

Medi 2023

Mae Jo ein Swyddog Arweiniol Cyfranogiad wedi bod yn ymweld ag ysgolion ac wedi bod yn Ysgol Uwchradd Llantwit Major i ddal i fyny gyda Lyla, un o’n llysgenhadon ar gyfer plant lluoedd arfog. Enwebwyd Lyla yn ddiweddar a chyrhaeddodd y rhestr fer ar gyfer Gwobrwyau plant Milwyr Cymru.

 

 

Cafodd Lyla ei henwebu gan ei hysgol am ei chyfraniad cadarnhaol i Glwb Llysgenhadon y Weinyddiaeth Amddiffyn/Bywyd yn y Lluoedd Arfog ac mae hi bob tro wedi bod yn fodel rol fendigedig i blant iau/pobl ifanc y lluoedd arfog yn yr ysgol.  Llongyfarchiadau Lyla a phob lwc ar gyfer y rownd derfynol. A phob lwc hefyd i weddill yr enwebeion anhygoel yng ngwobrau eleni.  Rydych yn ysbrydoliaeth ac edrychwn ymlaen at y digwyddiad ar ddiwedd mis Hydref.  


Mae Lyla hefyd wedi helpu tim SSCE Cymru drwy gymryd rhan mewn ambell brosiect, gan gynnwys rhai recordiadau llais ar gyfer ffilm fer o’n rhaglen. Diolch Lyla roedd hi’n bleser cael gweithio gyda chdi. 

 

Back

Dyfyniadau Plant Milwyr

"Gynted ag ydych yn dod i arfer i dŷ, rydych yn cael eich symud – rwyf wedi bod mewn pedair ysgol ac wedi symud chwech gwaith."

Aiden

"Roeddwn i’n byw yn Nepal, yna aethom i Brunei, yna Malaysia."

Ashim

"Drwy fy llygaid i mae gennych gannoedd o ffrindiau mewn llefydd gwahanol."

Chloe

"Dwi di arfer symud rŵan a chymysgu gyda’r plant... Dwi di neud o gymaint o weithiau mae’n rhywbeth arferol rŵan."

Chloe

"Mae’n iawn siarad dros skype a phethau felly ond weithiau ti jyst eisiau cwtsh pan mae Dad i ffwrdd."

Georgia

"Dwi di mwynhau mynd o amgylch llawer o lefydd o amgylch y byd, mae’n anturus ac yn gyffrous."

Harry

"Mae bod yn rhan o’r fyddin fel bod yn rhan o deulu."

Ieuan

"Mae mam wedi prynu bwrdd sialc ac mae’n dweud sawl noson o gwsg arno, pob munud mae’n dod yn agosach iddo ddod adref."

Mia

"Dwi ddim eisiau iddo gael dyrchafiad... Dwi eisiau iddo gael dyrchafiad ond dwi ddim eisiau gadael."

Oliver

"Efallai y bydda i’n mynd i ysgol breswyl fel nad wyf yn newid ysgol bob yn ail flwyddyn."

Ryan

"Dwi di bod mewn saith ysgol wahanol; dwi heb aros mewn un ysgol ddigon hir."

Shana

"Mae wedi bod i ffwrdd am chwe mis ac yna mae yn ôl am bythefnos, yna mae’n mynd i ffwrdd eto."

Sianed

"Roedd fy rhieni yn y Fyddin. Roedd mam yn nyrs ac aeth dad i Afghanistan. 'Do ni’m yn deall yn iawn be' oedd o’n neud a deud y gwir ond ar ôl i mi ffeindio allan o ni’n meddwl "diolch byth bod o wedi dod adre’n saff.'"

Sanjog

"Mi wnaeth o lofnodi i adael yr wythnos ddiwetha’, felly mi fydd o wedi gadael erbyn diwedd y flwyddyn yma. Mae o wedi bod i mewn ers 24 o flynyddoedd. Fydd o’n well i mi achos mi fydd o o gwmpas lot mwy. Mae o’n hoffi’n gwylio ni’n chwarae rygbi felly mi fydd o’n gallu dod i’n gweld ni’n fwy aml"

Lewis

"Dwi’n mynd i rywle hollol newydd. Dydyn nhw’m yn gwybod dim amdana’i felly mae’n ddechrau newydd ac yn beth da iawn i mi."

Piaras

"Nes i symud i Gymru achos bod dad wedi cael ei anfon yma gan y Fyddin. O ni’n meddwl y baswn yn cael fy mwlio a dwi’n swil efo pobol newydd ond mi nes i ychydig o ffrindiau."

Dan