This site uses cookies to improve your experience. They are safe and secure and never contain sensitive information. For more information click here.

Digwyddiadau SSCE Cymru sydd i ddod TACHWEDD - Sesiynau galw heibio SSCE Cymru
  1. Home Page
  2. Digwyddiadau SSCE Cymru sydd i ddod
  3. TACHWEDD - Sesiynau galw heibio SSCE Cymru

TACHWEDD - Sesiynau galw heibio SSCE Cymru

1/11/2024 30/11/2024

Bob mis mae SSCE Cymru yn cynnal cyfres o sesiynau galw heibio anffurfiol un-awr yn canolbwyntio ar themâu penodol. Dewch draw i unrhyw un o'r sesiynau sydd o ddiddordeb i chi, lle bydd aelodau o dîm SSCE Cymru yn rhannu gwybodaeth berthnasol, yn hyrwyddo adnoddau, yn cydlynu trafodaethau, yn ateb eich cwestiynau ac yn creu cyfleoedd i gydweithio.

Gweler yr amserlen ar gyfer mis Tachwedd ac ymunwch â'r cyfarwyddiadau isod.

SYLWCH: os hoffech siarad yn Gymraeg yn ystod y sesiwn galw heibio, plîs cysylltwch â SSCECymru@wlga.gov.uk  ymlaen llaw fel y gallwn sicrhau y gellir hwyluso hyn.

Themâu’r sesiynau galw heibio

Ysgolion sy’n Cefnogi'r Lluoedd Arfog Cymru (AFFS) 

Dan arweiniad Swyddogion Cyswllt Ysgolion SSCE Cymru, bydd y sesiynau galw heibio hyn yn helpu ysgolion yng Nghymru i ddeall sut y gallant ddeall profiadau plant y Lluoedd Arfog, ymgysylltu â chymuned y Lluoedd Arfog ac ymgorffori cefnogaeth i blant milwyr drwy weithio tuag at gyflawni eich statws efydd, arian ac yna aur AFFS Cymru. Byddwn yn rhoi trosolwg o'r gofynion, yn rhannu enghreifftiau o arfer da ac yn ateb cwestiynau i'ch helpu i ddeall sut i weithredu eitemau ar y rhestr wirio.

Llais plant milwyr

Dan arweiniad Swyddog Arweiniol Cyfranogiad SSCE Cymru, bydd y sesiynau galw heibio hyn yn helpu ysgolion yng Nghymru i ddeall sut y gallant wrando ar blant milwyr er mwyn eu cefnogi yn y ffordd fwyaf effeithiol. Byddwn yn eich helpu i ddeall pwysigrwydd gwrando'n weithredol ar eich blant Milwyr, rhannu enghreifftiau o arfer da, trafod cyfleoedd i lysgenhadon plant y Lluoedd Arfog a'ch cefnogi i sefydlu clwb Little Troopers (Cynradd) neu Glwb Bywyd y Lluoedd (Uwchradd).

Cyllid ar gyfer cefnogi plant Milwyr

Dan arweiniad Rheolwr Rhaglen SSCE Cymru, mae'r sesiynau galw heibio hyn ar gael i gefnogi ysgolion ac awdurdodau lleol yng Nghymru i gael mynediad at gyllid i gefnogi plant milwyr mewn addysg. Byddwn yn codi ymwybyddiaeth o ffrydiau ariannu grant perthnasol, yn rhannu enghreifftiau o arfer da, yn ateb cwestiynau, yn hyrwyddo adnoddau ac yn trafod cyfleoedd cydweithio.

Cynllun Gweithredu Awdurdodau Lleol

Dan arweiniad Swyddogion Cyswllt Ysgolion SSCE Cymru, mae'r sesiynau galw heibio hyn ar gael i gefnogi awdurdodau lleol yng Nghymru i weithredu eu Cynllun Gweithredu Awdurdod Lleol (LA AP), a ddatblygwyd yn ystod cyfarfod grwp Partneriaeth Awdurdod Lleol y Weinyddiaeth Amddiffyn (LAP). Byddwn yn rhannu enghreifftiau o arfer da, yn ateb cwestiynau, ac yn trafod cyfleoedd cydweithio.

Pecyn Cymorth Bywydau Ffyniannus Cynghrair SCiP

Dan arweiniad Swyddogion Cyswllt Ysgolion SSCE Cymru, mewn cydweithrediad â Rheolwr Ymgysylltu Cynghrair SCiP, bydd y sesiynau galw heibio hyn yn helpu ysgolion yng Nghymru i ddeall sut i ddefnyddio Pecyn Cymorth Bywydau Ffyniannus Cynghrair SCiP ac adnoddau eraill. Byddwn yn rhoi trosolwg o'r Pecyn Cymorth, yn rhannu enghreifftiau o arfer da, yn egluro sut mae'r Pecyn Cymorth yn cysylltu â statws Ysgolion sy'n Cefnogi'r Lluoedd Arfog Cymru ac yn ateb cwestiynau i'ch helpu i ddeall sut i ddefnyddio'r adnoddau hyn.

Cofio

Dan arweiniad Swyddogion Cyswllt Ysgolion SSCE Cymru, mae'r sesiynau galw heibio hyn ar gael ar gyfer lleoliadau addysg yng Nghymru i ymuno â thrafodaethau am gymryd rhan mewn coffau. Byddwn yn rhannu gwybodaeth am Gofio, codi ymwybyddiaeth o adnoddau i gefnogi gweithgareddau, awgrymu ffyrdd o ymgysylltu â chymuned eich Lluoedd Arfog a rhannu syniadau ar sut i goffáu yn y cyfnod cyn Diwrnod y Cofio ym mis Tachwedd.

Data

Dan arweiniad Swyddogion Cyswllt Ysgolion SSCE Cymru, mae'r sesiynau galw heibio hyn ar gael i gefnogi ysgolion yng Nghymru i ddeall pwysigrwydd casglu data ar blant Milwyr. Byddwn yn darparu gwybodaeth am ddiffiniad plentyn y Lluoedd Arfog, yn rhannu enghreifftiau o arfer da o gasglu data, ateb cwestiynau ac yn egluro sut y gellir defnyddio adnoddau (gan gynnwys Offeryn 4 SSCE Cymru) i gasglu data yn eich lleoliad addysg.

Amserlen

        Dydd Gwener 1af
         
Dydd Llun 4ydd Dydd Mawrth 5ed Dydd Mercher 6ed Dydd Iau 7fed Dydd Gwener 8fed
15:00 Ysgolion sy’n Cefnogi’r Lluoedd Arfog Cymru

14:00 Llais plant y lluoedd arfog (Cynradd)

10:00 Ysgolion sy’n Cefnogi’r Lluoedd Arfog Cymru

14:00 Cofio

10:00 Cynghrair SCiP Pecyn Cymorth Bywydau Ffyniannus

 

  
Dydd Llun 11eg Dydd Mawrth 12fed Dydd Mercher 13eg Dydd Iau 14eg Dydd Gwener 15fed

10:00 Cyllid ar gyfer cefnogi plant y Lluoedd Arfog

14:00 Ysgolion sy’n Cefnogi’r Lluoedd Arfog Cymru

14:00 Llais plant y lluoedd arfog (Uwchradd)

 

 

 

 

 10:00 Cynllun Gweithredu Awdurdodau Lleol
Dydd Llun 18fed Dydd Mawrth 19eg Dydd Mercher 20fed Dydd Iau 21ain Dydd Gwener 22ain
10:00 Llais plant y lluoedd arfog (Cynradd)

14:00 Cyllid ar gyfer cefnogi plant y Lluoedd Arfog

 14:00 Ysgolion sy’n Cefnogi’r Lluoedd Arfog Cymru 14:00 Cynghrair SCiP Pecyn Cymorth Bywydau Ffyniannus 10:00 Ysgolion sy’n Cefnogi’r Lluoedd Arfog Cymru
Dydd Llun 25ain  Dydd Mawrth 26ain Dydd Mercher 27ain  Dydd Iau 28ain  Dydd Gwener 29ain

14:00 Cynllun Gweithredu Awdurdodau Lleol

  14:00 Data 15:00 Ysgolion sy’n Cefnogi’r Lluoedd Arfog Cymru 10:00 Llais plant y lluoedd arfog (Uwchradd)  

 

Cyfarwyddiadau ymuno

I ymuno ag un o'r sesiynau galw heibio uchod, cliciwch ar y ddolen ar yr adeg y disgwylir i'r cyfarfod gael ei gynnal.

Neu, i ychwanegu'r sesiwn galw heibio i'ch calendr digidol, dilynwch y camau syml hyn:

1. Cliciwch ar y dde ar enw/amser y digwyddiad uchod yr hoffech chi fod yn bresennol

2. Cliciwch 'Copïwch y ddolen'

3. Agorwch eich calendr digidol (hy Microsoft Teams)

4. Trefnu apwyntiad newydd / cyfarfod newydd ar gyfer y dyddiad a'r amser y mae'r sesiwn galw heibio wedi'i threfnu

5. Rhowch teitl i’r apwyntiad / cyfarfod (e.e. "Sesiwn galw heibio SSCE Cymru AFFS Cymru")

6. Yn y prif gorff, cliciwch ar y dde a gludwch y cyswllt cyfarfod

7. Ar yr amser a drefnwyd, cliciwch y ddolen i ymuno â'r sesiwn galw heibio.

 

Anfonwch unrhyw ymholiadau at SSCECymru@wlga.gov.uk os gwelwch yn dda

 

  •  
    •  
  •  

Dyfyniadau Plant Milwyr

"Gynted ag ydych yn dod i arfer i dŷ, rydych yn cael eich symud – rwyf wedi bod mewn pedair ysgol ac wedi symud chwech gwaith."

Aiden

"Roeddwn i’n byw yn Nepal, yna aethom i Brunei, yna Malaysia."

Ashim

"Drwy fy llygaid i mae gennych gannoedd o ffrindiau mewn llefydd gwahanol."

Chloe

"Dwi di arfer symud rŵan a chymysgu gyda’r plant... Dwi di neud o gymaint o weithiau mae’n rhywbeth arferol rŵan."

Chloe

"Mae’n iawn siarad dros skype a phethau felly ond weithiau ti jyst eisiau cwtsh pan mae Dad i ffwrdd."

Georgia

"Dwi di mwynhau mynd o amgylch llawer o lefydd o amgylch y byd, mae’n anturus ac yn gyffrous."

Harry

"Mae bod yn rhan o’r fyddin fel bod yn rhan o deulu."

Ieuan

"Mae mam wedi prynu bwrdd sialc ac mae’n dweud sawl noson o gwsg arno, pob munud mae’n dod yn agosach iddo ddod adref."

Mia

"Dwi ddim eisiau iddo gael dyrchafiad... Dwi eisiau iddo gael dyrchafiad ond dwi ddim eisiau gadael."

Oliver

"Efallai y bydda i’n mynd i ysgol breswyl fel nad wyf yn newid ysgol bob yn ail flwyddyn."

Ryan

"Dwi di bod mewn saith ysgol wahanol; dwi heb aros mewn un ysgol ddigon hir."

Shana

"Mae wedi bod i ffwrdd am chwe mis ac yna mae yn ôl am bythefnos, yna mae’n mynd i ffwrdd eto."

Sianed

"Roedd fy rhieni yn y Fyddin. Roedd mam yn nyrs ac aeth dad i Afghanistan. 'Do ni’m yn deall yn iawn be' oedd o’n neud a deud y gwir ond ar ôl i mi ffeindio allan o ni’n meddwl "diolch byth bod o wedi dod adre’n saff.'"

Sanjog

"Mi wnaeth o lofnodi i adael yr wythnos ddiwetha’, felly mi fydd o wedi gadael erbyn diwedd y flwyddyn yma. Mae o wedi bod i mewn ers 24 o flynyddoedd. Fydd o’n well i mi achos mi fydd o o gwmpas lot mwy. Mae o’n hoffi’n gwylio ni’n chwarae rygbi felly mi fydd o’n gallu dod i’n gweld ni’n fwy aml"

Lewis

"Dwi’n mynd i rywle hollol newydd. Dydyn nhw’m yn gwybod dim amdana’i felly mae’n ddechrau newydd ac yn beth da iawn i mi."

Piaras

"Nes i symud i Gymru achos bod dad wedi cael ei anfon yma gan y Fyddin. O ni’n meddwl y baswn yn cael fy mwlio a dwi’n swil efo pobol newydd ond mi nes i ychydig o ffrindiau."

Dan