This site uses cookies to improve your experience. They are safe and secure and never contain sensitive information. For more information click here.

Cyfnodolyn SSCE Cymru

Derbyniad Senedd yr Alban i blant lluoedd arfog yr Alban

  1. Home Page
  2. Digwyddiadau
  3. Cyfnodolyn SSCE Cymru
  4. Derbyniad Senedd yr Alban i blant lluoedd arfog yr Alban

Derbyniad Senedd yr Alban i blant lluoedd arfog yr Alban

Hydref 2023

Mynychodd rhaid o aelodau dim SSCE Cymru'r derbyniad i Blant Lluoedd Arfog yr Alban yn Adeilad Senedd yr Alban.

Aeth Millie (Rheolwr y Rhaglen), Jo (Swyddog Arweiniol Cyfranogiad) ac Emilee (Swyddog Cyswllt Ysgolion Rhanbarthol Dwyrain Cymru), ynghyd a Vicky o Gynghrair SCiP i Gaeredin i fynychu digwyddiad Plant Lluoedd Arfog yr Alban yn Adeilad Senedd yr Alban lle cafwyd gwybodaeth am rai o’r prosiectau gwych sydd ar y gweill gan yr elusen yn ogystal a gweld am y tro cyntaf eu gem fwrdd ‘Bywyd y Lluoedd Arfog’ a gafodd ei ddylunio gan bobl ifanc o deuluoedd y Lluoedd Arfog yn yr Alban.  Roedd hi’n wych clywed am yr holl syniadau y tu ol i’r rheswm pam yr oedden nhw eisiau creu gêm fwrdd a hefyd y broses o wireddu eu syniadau.

   
Roedd yn gyfle gwych i dim SSCE Cymru i gwrdd a siarad gyda rhai o’r bobl ifanc oedd yn rhan sylweddol o’r gwaith y mae Plant Lluoedd Arfog yr Alban yn ei wneud ac i glywed am eu profiadau personol o fod yn rhan o deulu Lluoedd Arfog.  


Yn ogystal a’r digwyddiad roedd yn gyfle i Millie, Jo, Emilee a Vicky i gwrdd a Laura, Prif Weithredwr Plant Lluoedd Arfog yr Alban a Carly, Arweinydd Polisi, i rannu arfer da ynghylch eu helusen a gwaith SSCE Cymru i gefnogi plant a phobl ifanc lluoedd arfog ac ein gweledigaeth ar gyfer datblygu’r gefnogaeth ymhellach yr ydym eisoes yn ei ddarparu.  


Roedd yn brofiad pleserus iawn cael cwrdd a thim Plant Lluoedd Arfog yr Alban ac edrychwn ymlaen at barhau i ddal i fyny a rhannu’r gwaith a wnawn i gefnogi plant Lluoedd Arfog.   

Back

Dyfyniadau Plant Milwyr

"Gynted ag ydych yn dod i arfer i dŷ, rydych yn cael eich symud – rwyf wedi bod mewn pedair ysgol ac wedi symud chwech gwaith."

Aiden

"Roeddwn i’n byw yn Nepal, yna aethom i Brunei, yna Malaysia."

Ashim

"Drwy fy llygaid i mae gennych gannoedd o ffrindiau mewn llefydd gwahanol."

Chloe

"Dwi di arfer symud rŵan a chymysgu gyda’r plant... Dwi di neud o gymaint o weithiau mae’n rhywbeth arferol rŵan."

Chloe

"Mae’n iawn siarad dros skype a phethau felly ond weithiau ti jyst eisiau cwtsh pan mae Dad i ffwrdd."

Georgia

"Dwi di mwynhau mynd o amgylch llawer o lefydd o amgylch y byd, mae’n anturus ac yn gyffrous."

Harry

"Mae bod yn rhan o’r fyddin fel bod yn rhan o deulu."

Ieuan

"Mae mam wedi prynu bwrdd sialc ac mae’n dweud sawl noson o gwsg arno, pob munud mae’n dod yn agosach iddo ddod adref."

Mia

"Dwi ddim eisiau iddo gael dyrchafiad... Dwi eisiau iddo gael dyrchafiad ond dwi ddim eisiau gadael."

Oliver

"Efallai y bydda i’n mynd i ysgol breswyl fel nad wyf yn newid ysgol bob yn ail flwyddyn."

Ryan

"Dwi di bod mewn saith ysgol wahanol; dwi heb aros mewn un ysgol ddigon hir."

Shana

"Mae wedi bod i ffwrdd am chwe mis ac yna mae yn ôl am bythefnos, yna mae’n mynd i ffwrdd eto."

Sianed

"Roedd fy rhieni yn y Fyddin. Roedd mam yn nyrs ac aeth dad i Afghanistan. 'Do ni’m yn deall yn iawn be' oedd o’n neud a deud y gwir ond ar ôl i mi ffeindio allan o ni’n meddwl "diolch byth bod o wedi dod adre’n saff.'"

Sanjog

"Mi wnaeth o lofnodi i adael yr wythnos ddiwetha’, felly mi fydd o wedi gadael erbyn diwedd y flwyddyn yma. Mae o wedi bod i mewn ers 24 o flynyddoedd. Fydd o’n well i mi achos mi fydd o o gwmpas lot mwy. Mae o’n hoffi’n gwylio ni’n chwarae rygbi felly mi fydd o’n gallu dod i’n gweld ni’n fwy aml"

Lewis

"Dwi’n mynd i rywle hollol newydd. Dydyn nhw’m yn gwybod dim amdana’i felly mae’n ddechrau newydd ac yn beth da iawn i mi."

Piaras

"Nes i symud i Gymru achos bod dad wedi cael ei anfon yma gan y Fyddin. O ni’n meddwl y baswn yn cael fy mwlio a dwi’n swil efo pobol newydd ond mi nes i ychydig o ffrindiau."

Dan