This site uses cookies to improve your experience. They are safe and secure and never contain sensitive information. For more information click here.

Cyfeiriadur cefnogaeth Cronfa Lles yr Awyrlu Brenhinol
  1. Home Page
  2. Adnoddau
  3. Cyfeiriadur cefnogaeth
  4. Cronfa Lles yr Awyrlu Brenhinol

Cronfa Lles yr Awyrlu Brenhinol

Cronfa Lles yr Awyrlu Brenhinol yw prif elusen lles yr RAF ac yn gwario dros £17 miliwn y flwyddyn i ddiwallu anghenion Teuluoedd yr RAF. Mae’n darparu ystod o wasanaethau cefnogi ar gyfer plant a phobl ifanc sydd â rhieni’n gwasanaethu yn yr RAF, o’r rhaglen cefnogi ieuenctid gwerth miliynau, sef Airplay, i’r Gwasanaeth Gwrando a Chwnsela.

Airplay a Ben Clubs

Airplay a Ben Clubs yw rhaglenni cefnogi ieuenctid Cronfa Lles yr RAF, gan ddarparu sesiynau clwb ieuenctid mewn gorsafoedd RAF, a mynediad at y cyfrwng digidol Airplay Connect, sydd wedi’i ddatblygu ar gyfer plant sy’n byw mewn ac i fwrdd o’r gorsafoedd. Mae Airplay yn cael ei ddarparu mewn 24 o orsafoedd ar draws y wlad ac mae’n darparu gweithgareddau diogel, dan oruchwyliaeth ar gyfer plant a phobl ifanc pump i ddeunaw oed trwy rwydwaith o weithwyr ieuenctid hyfforddedig. Mae hyn yn cynnwys ein Ben Clubs, sydd wedi’i anelu tuag at blant pump i saith oed. Mae Airplay yn RAF y Fali yn cael ei ddarparu gan Weithiwr Ieuenctid yr Orsaf o dan gontract gan ein partner One YMCA. I gael mwy o wybodaeth, cysylltwch gydag airplay.team@oneymca.org.

Gwasanaeth Gwrando a Chwnsela

I gefnogi plant a phobl ifanc o Deuluoedd yr RAF, rydym wedi lansio gwasanaeth cwnsela arbenigol. Mae’r gwasanaeth, a ddarperir trwy ein partner Relate, ar gael i blant a phobl ifanc 11 i 18 oed ac ar sail achos i achos ar gyfer y rhai 5 i 10 oed. Mae’r gwasanaeth yn cynnig cefnogaeth ar ystod eang o faterion lles ac iechyd meddwl, gan gynnwys gorbryder, hwyliau isel, arwahanrwydd a newid mewn teulu, rhywioldeb, bwlio a phwysau academaidd. I ddarganfod mwy, ffoniwch ein llinell gymorth ar 0300 222 5703 neu support@rafbf.org.uk

www.rafbf.org

Dyfyniadau Plant Milwyr

"Gynted ag ydych yn dod i arfer i dŷ, rydych yn cael eich symud – rwyf wedi bod mewn pedair ysgol ac wedi symud chwech gwaith."

Aiden

"Roeddwn i’n byw yn Nepal, yna aethom i Brunei, yna Malaysia."

Ashim

"Drwy fy llygaid i mae gennych gannoedd o ffrindiau mewn llefydd gwahanol."

Chloe

"Dwi di arfer symud rŵan a chymysgu gyda’r plant... Dwi di neud o gymaint o weithiau mae’n rhywbeth arferol rŵan."

Chloe

"Mae’n iawn siarad dros skype a phethau felly ond weithiau ti jyst eisiau cwtsh pan mae Dad i ffwrdd."

Georgia

"Dwi di mwynhau mynd o amgylch llawer o lefydd o amgylch y byd, mae’n anturus ac yn gyffrous."

Harry

"Mae bod yn rhan o’r fyddin fel bod yn rhan o deulu."

Ieuan

"Mae mam wedi prynu bwrdd sialc ac mae’n dweud sawl noson o gwsg arno, pob munud mae’n dod yn agosach iddo ddod adref."

Mia

"Dwi ddim eisiau iddo gael dyrchafiad... Dwi eisiau iddo gael dyrchafiad ond dwi ddim eisiau gadael."

Oliver

"Efallai y bydda i’n mynd i ysgol breswyl fel nad wyf yn newid ysgol bob yn ail flwyddyn."

Ryan

"Dwi di bod mewn saith ysgol wahanol; dwi heb aros mewn un ysgol ddigon hir."

Shana

"Mae wedi bod i ffwrdd am chwe mis ac yna mae yn ôl am bythefnos, yna mae’n mynd i ffwrdd eto."

Sianed

"Roedd fy rhieni yn y Fyddin. Roedd mam yn nyrs ac aeth dad i Afghanistan. 'Do ni’m yn deall yn iawn be' oedd o’n neud a deud y gwir ond ar ôl i mi ffeindio allan o ni’n meddwl "diolch byth bod o wedi dod adre’n saff.'"

Sanjog

"Mi wnaeth o lofnodi i adael yr wythnos ddiwetha’, felly mi fydd o wedi gadael erbyn diwedd y flwyddyn yma. Mae o wedi bod i mewn ers 24 o flynyddoedd. Fydd o’n well i mi achos mi fydd o o gwmpas lot mwy. Mae o’n hoffi’n gwylio ni’n chwarae rygbi felly mi fydd o’n gallu dod i’n gweld ni’n fwy aml"

Lewis

"Dwi’n mynd i rywle hollol newydd. Dydyn nhw’m yn gwybod dim amdana’i felly mae’n ddechrau newydd ac yn beth da iawn i mi."

Piaras

"Nes i symud i Gymru achos bod dad wedi cael ei anfon yma gan y Fyddin. O ni’n meddwl y baswn yn cael fy mwlio a dwi’n swil efo pobol newydd ond mi nes i ychydig o ffrindiau."

Dan